1. 
   

   
   

   पलको आयू र मेरो भावना

   द्वित्तीय पुरुषका सर्वनामहरूले सम्बोधन गर्न
   गहीरा बातचित गर्न
   मसँग
   (मलाई लाग्छ)
   मेरो जिन्दगी
   कठीन परिस्थिती बनेर
   मेरो सामुन्ने प्रकट भइदिन्छ
   र एकैछिन बसी थकाइ मारेर जान्छ
   तर फेरि कहिले हप्तादिन, महिना दिन
   (कहिले त बर्षाै) बसेर पनि जान मान्दैन्न् ।
   
   ती चीसा समयहरू
   अर्जुनलाई गीता सुनाउने कृष्णकै
   अमूर्त रूप लाग्छ मलाई ।
   सारशिक्षा कस्तो दुरूस्तै हुन्छ !
   
   दुखिलो क्षणले मलाई होइन कि
   मैले चाहिँ क्षणहरूलाई
   बदल्न सकूँ हे प्रभू !
   किनकी (मलाई लाग्छ)
   क्षणको आयू अनन्तको हुन्छ
   र मलाई
   भरे साँझ बितिजानु छ ।