म भूइँमान्छे

 खरानीमाथी नै उरलधुरल उफ्रिएर,

कहिल्यै सर्लक्क नाङ्गै लम्पसारिएर, 

खरानीकै निमित्त ठीक्क छ राजनीती

जोगी कयौँ थपिए,-(दैँ छन्)

युगका मानिस दसकमै भास्सिए,-(दैँ छन्)

प्रजातन्त्र नै पो माटोमा फाप्दैँन कि ?

उछितो काट्नु भएको छ नव-तन्त्र

आधी कुरा मात्र बुझेर, बाकीँ बुझ्न नखोजेर

कायरताको सिरक ओढी, 

बोलिव्यवहारमा उतल्लै ओर्लिएर

कुर्सी चाटिदिएर मात्रै पनि बन्दैन काम

सानादेखि ठुलासम्मकै पुसिदिनु पर्ने

आफ्नै माटोमा म भूइँमान्छे

दोस्रो दर्जा स्वीकार्न अभिशप्त !