अधेँरो छ झम्के साँझ

 अधेँरो छ झम्के साँझ

रातो चिटिक्क ओठको लाज

बाटुलो अनुहार, गहूँगोरो लेपन,

चम्किला काला आँखा, 

थाेप्लो टीका 'टिपिक्क'

दुई नयनकाे माझ !

राजकुमार कुर्दछिन् अधीर बेजोड

ऐनाअगाडी हुँदाहुँदै नै आइदेओस बरू

आएर सगैँ खानासाना खाएर

ढोकासोका लाएर, न्यानो गरी,

अश्लील सुतिदेओस् रातभरी ।

बिहान उठ्दा पनि पासमै होओस्

तर घाम लाग्दा नलाग्दै

छिमेकको आरीसले हो कि वा उच्चाकाङ्छाले पो हो

(किनकी गरीबीले त हुँदैे होइन)

घोर मातिएर

धन कमाउन भनी

उनको बैँसलाई बासी थन्काउन तयार भई सट्टामा बरू

पासपोर्ट लिई भिसा लगाउन भनी 

काठमाडौँ नहिँडोस् ।