तिमी बिर्सिदेऊ

तिमी बिर्सिदेऊ,   
                      बिर्सिदेऊ मलाई ।
नकोट्याऊ । दुख्दैन घाऊ
                                     दुख्छ कोट्याउनेलाई ।
शङ्का नगर आफैँलाई,
                                  सक्नेछौ ।
                                                  प्रीयतम पो हौ मेरी ।
जसरी सक्यौ मअघिका र पछिका प्रेमीहरूलाई
                                                                      त्यसरी नै
                                                                                     सबसे खराब म त फेरी ।

तिमी फक्रिदै जानु,
                        मौलाउदैँ जानु
                                             हजारलाख होऊन शुभचिन्तक तिम्रा
म अल्झदैँ जाउँला,
                        बौलाउँदै जाउलाँ
                                            मन्दिर जाउँला, दैव सघाउलान् मलाई ।


मेरो धरातल भासिन्न जब कसैको अग्लिन्छ।
                                                           तर कठै !
                                                                         भावना मात्रले प्रमाण कहाँ पुग्छ ?

तिमी गलत बुझ, बुझिराख
                                     जे गर्न माहिर छौ
                                                              गरिराख ।

पीडित र पीडकको दुश्मनी
                                       जन्मौँको, म बुझ्छु
ऐनाभित्रको म
                   र ऐनाबाहिरको
                                           म झैँ ।