प्रतीक्षामा

 खराबै हो कि वा (थू थू)

खबर हो काइदा गजबको

खोला पारी आइसक्यो रे !

पर्दा च्यात्छ आँखा घरीघरी

उम्लेको रगत झ्यालढोका ढ्याप्प

कालो न सेतो जगत

घनघोर खैरो !

चिम्सा आँखा धमिला नजर

लरखर लरखर लरतर लरबर 

कान्लामुनि माथि छेऊभित्ता सरोबर 

मातेको पो र'छ बेस्सरी

खुसीमा धोकेछ कि रुदैँछ गम

झ्याक्नी कस्तो बेचैनी  !

दशैँतिहार सब न्यानो गो

मङ्सिर चिसो लौ पुस नै भो

क्षितिज सिन्दुरमा सजिएकी छे आज 

ओछ्याएर बघिनीको छाला विस्तारामा

अजिङ्गरको आहारा दैवको खेल

पुगोस् न हो कल्पेको कहिले त !