अजिव मान्छे
(क)
म तिम्रो चाहतमा जलिजाने मान्छे
नसोध मलाई कस्तो हुन्छ
जलनको पीडा
बरू सोध कस्तो हुन्छ
चाहनुको अथाह मजा ।
कोपिला गुलाबले रातो रङ्गको
गलत बयान गर्छझैँ लाग्छ
रक्ताम्मे अक्षरले माया लेख्ने
दुनियाको म अजिव मान्छे ।
निर्दोष अधरले बोल्ने शब्द
सबैसबै झुठ हुन् झैँ लाग्छ
नबुझिने भाका व्यवहारले गाउने
दुनियाको म अजिव मान्छे ।
कस्तो हुन्छ अजिव भई बाँच्न
बरू यो तिमी मलाई सोध
अगाँल्न मात्र अर्को जिउँदो लाश
पत्थरहरू तिमी पल्टाएर खोज ।
म तिम्रो मुस्कानमा खुसी हुने मान्छे
नसोध मलाई कस्तो हुन्छ
समर्पणको पीडा
बरू सोध कस्तो हुन्छ
प्राप्तीको अथाह मजा ।
म तिम्रो चाहतमा जलिजाने मान्छे
नसोध मलाई कस्तो हुन्छ
जलनको पीडा
बरू सोध कस्तो हुन्छ
चाहनुको अथाह मजा ।
(ख)
म तिम्रो मुस्कानमा खुसी हुने मान्छे
नसोध मलाई कस्तो हुन्छ
समर्पणको पीडा
बरू सोध कस्तो हुन्छ
प्राप्तीको अथाह मजा ।
गर्व गर्थे धेरै अतीतमा
भुलाई हिँड्नु हारझैँ लाग्छ
हारेर पनि जित्न खोज्ने
दुनियाको म अजिव मान्छे ।
देखाउनेले सपना तोड्दै हिँड्छन्
दैवमाथि अन्याय भो झै लाग्छ
फुटेको ऐनाको टुक्रा सगाँल्ने
दुनियाको म अजीव मान्छे ।
कस्तो हुन्छ अजिव भई बाँच्न
बरू यो तिमी मलाई सोध
अगाँल्न मात्र अर्को जिउँदो लाश
पत्थरहरू तिमी पल्टाएर खोज ।
कल्पनाहरूमा म रमाउने मान्छे
नसोध मलाई कस्तो हुन्छ
यथार्थको पीडा
बरू सोध कस्तो हुन्छ
कल्पनुको अथाह मजा ।
म तिम्रो चाहतमा जलिजाने मान्छे
नसोध मलाई कस्तो हुन्छ
जलनको पीडा
बरू सोध कस्तो हुन्छ
चाहनुको अथाह मजा ।
No comments:
Post a Comment