मेरो खोज

 एउटा लय मात्र हो, मैले पकड्न खोजेको ।

एकाबिहानै छिमेकी धोबीका घरमूली

झ्यालबाहिरको अम्बाको बोटमा

चुँचुचाचाँ गर्न आउँछ ।

घामका किरणहरू दायाँबायाँ बिचारेर

बिराला चालमा सुटुक्क,

कोठाभित्रको पश्चिम भित्तामा फाल हाल्छ ।

पटकमा एक गोडा पछाडि सार्छ सुस्तरी अन्धकार,

अनुशासित खुकुरीबाजजस्तै

हार स्वीकार गरेर ससम्मान ।

आफ्नो सपनाले छोडेर गएपछि,

आफूले पनि निन्द्रा त्याग्नु पर्छ । यस्तै लय

मैले पकड्न खोजेको !