मात्र यदी मेरो जीवन दुई दिनको हुन्थ्यो

मात्र यदी मेरो जीवन दुई दिनको हुन्थ्यो

(क)

मात्र यदी मेरो जीवन दुई दिनको हुन्थ्यो
       आफूँलाई नै भुलाई म तिम्रो छायाँ बनिदिन्थेँ
       तिमीले गोप्यमा गर्ने कार्यहरू सबै म हेरिदिन्थेँ ।

       तिम्रो बन्द कोठामा झ्यालको पर्दा म बेरिदिन्थेँ
       तिमीले हेनेँ ऐनाको बिम्ब म फेरिदिन्थेँ ।
मात्र यदी मेरो जीवन दुई दिनको हुन्थ्यो ।।

  (ख)
 मात्र यदी मेरो जीवन दुई दिनको हुन्थ्यो ।
     आफूलाई नै बेचेर म संसार किनिदिन्थेँ
      कागजको थैलोमा पोको पारी पअर फालिदिन्थेँ

      दर्शन, ज्ञान र कला गाँजाको धूवाँसगैँ निलिदिन्थेँ
     हाँसीखुसी दुई मुठ्ठी सास निराकारलाई सुम्पिदिन्थेँ
मात्र यदी मेरो जीवन दुई दिनको हुन्थ्यो ।।

(ग)
मात्र यदी मेरो जीवन दुई दिनको हुन्थ्यो ।
    हृदय छोएका गीतहरू दोहो¥याईदोहो¥याई सुन्थेँ
    साथीभाइ आफ्नो बाँच्दैछन् मेरोलागि एकान्त चुन्थेँ

    पढी नसकेको शिरानीमुनीको पुस्तक पढिभ्याउथेँ
    आफूलाई सम्झिउन् भनि यसो एउटा कविता लेख्थेँ
मात्र यदी मेरो जीवन दुई दिनको हुन्थ्यो ।।