जिन्दगीबाटको चाहना

जिन्दगीबाटको चाहना

अङ्कैहरूमा रूमल्लिदाँरूमल्लिदैँ नबितोस भन्छु जिन्दगी ।
भन्छु निशब्द भावनामा फिट्फिटिने असन्तोष आत्मा नहोस् मेरोे जिन्दगी ।
सकूँ छुन मानिसहरूका दैनिकी  
                       प्रत्यक्ष
र बाँड्न सकूँ आश
                    समुन्नत भोलीको ।

फुकाउन नसकिने उल्झनलाई डल्लो पारेर राखेको छु
भोलीको सोच्दिन आज मिहिनेत गर्छु ।
जतिलाई भेटछु र गहिरा बात मार्दछु
सबैलाई यसै गर्न भन्दछु ।

मिहिनेतले स्वतन्त्रता दिन्छ
स्वतन्त्रताले मिहिनेत सिकाउनु पर्दछ ।

जगत भलो त आफू भलो सोच्छु
आफ्नो सानो परिधीभित्र बाँच्छु
परिधीलाई सानै कायम राख्छु ।
तँछाड्मछाड्, हानाथाप ! सब छन् बेकार !!