प्रेमी मन

कति सजिलै तिमी
ती टाङ्गहरूबिचको गुप्ताङ्गलाई
निर्लज्ज पसारिदिन्छौ
मानौँ तिमी एक वस्तु हौ ।

परिश्रम बेची ल्याएको मेरो पैसा प्यारो छ
खर्चिएर तिम्रो शरिर एकैछिन उपभोग गर्छु
पैसा तिम्रै हातले समात्छन्
मानौ तिमी एक व्यापारी हौ ।

तिमी बेचिन्छौ
र बेच्दछौ दुवै

तिमी वस्तु
तिमी व्यापारी पनि ।

आवश्यकताले नै एकअर्काको परिपुर्ती गराउँदछन्
तिमी जे ठान, अरूहरू जे ठानुन्
म सुन्दरता ठान्छु , प्रक्रीती मान्छु

खराब खेलाडी म जिन्दगीको
चलाख खेलाडी तिमी जिन्दगीको

कर्म नै नियती बन्छ
तर जे होस्

पाप बेच्नेलाई नलागोस्
किन्नेलाई नै लागोस्
किनकी मन त यो सधैँ
प्रेमी नै रहनेछ ।