उज्यालोमा दैव हुदैँन र

उज्यालोमा दैव हुदैँन र

उज्यालोमा दैव हुदैँन र
कि भ्रम मात्र हो ?
हेर त त्यो जून
सानो छ, एउटै छ
तर पनि भरजगत दृष्टी दिइरहेछ ।
उज्यालो दिने त्यो जून दैव होइन र ?

थाहा छ ऊ मेरोलागि कहिल्यै होइन
तैपनि म हेर्न मन पराउँछु
परीझैँ उनको मोहिनी रूप
र अधरमा सजिएको लजालु मुस्कान ।

सम्झनामा डुबिबस्नु प्रेम हुदैँन
प्रेम त व्याहार हो जसको नियत लुक्दैन
उनी सधैँझैँ हिजो पनि गगनमा आइन्
र म कल्पनामा डुबी बसेँ
त्यती एक्ली हुदाँ पनि किन खुसी देखिन्छन् उनी,
उनको कारण मेरो चित्त नदुखोस् भनी होइन र ?