मलाई पनि लैजाऊ, ओ, बोलेरो ड्राइभर
पछाडी तिम्रो ढालामा हालेर
यो ठाउँले मलाई लाटो बनायो
यो गाउँले मलाई गरीब बनायो ।
मलाई पनि लैजाऊ, ओ बोलेरो ड्राइभर
बाटैबाटो तिमी जाने शहर
एक पेट हो पाल्ने, एक शरीर ढाक्ने
नदेखे आफ्नाले सहूँला जस्तो कहर ।
मलाई पनि लैजाऊ, ओ, बोलेरो ड्राइभर
नसकूँला तिम्रो म भाडा तिर्न
सम्झना राखूँला नटुङ्गिएको व्यवहार
प्रत्येक सगँत करोबार होस्, जरुरी पर्दैन ।
मलाई पनि लैजाऊ, ओ, बोलेरो ड्राइभर
कस्तो हिड्नुपर्छ बाटाहरू तिमीले म हेरौँला
तिम्रो एउटा यात्रामा अर्को साथि म बनूँला
निष्फिक्रि तिमी सल्काउनु, लगातार म बनाउँला ।
No comments:
Post a Comment