उडेर जा चरी, फर्केर कहिल्यै नआइजो ।
रोदन बिक्छ बजारमा, दर्शनकाे छैन खाँचो ।।
तेरो गीत श्रोताविहिन घन्कने पिपलपाते सिरीरी...।
गोठालाेले डिङ्गालाई सुनाउने मुरलीको तिरीरी...।।
खर्चनलाई कमाउँदा कमाउँदा ठीक्क छ योवन ।
बेच्नु-किन्नु ठीक्क छ आधुनिक समाजको जीवन ।।
मरिहत्ते गर्छन्, पैसै समाधान हो भन्ने विज्ञापन जताततै ।
डर, लिप्सा, काम, आदि भावनाको नम्बरी व्यापार यतैउतै ।।
सद्भाव,भातृत्वको तेरो तीर्खा मेट्ने पेय विक्रेता छैन कोही ।
द्रब्यपिपासु बीच छस्, तँलाई सुन्ने फुर्सद याँ कस्लाई होई ?।
------
मलाई नपरुञ्जेल म चुप, मलाई पर्दा अरू चुप ।
मेरो, हाम्रो घोर चुपचापमै चलेको छ सब ब्रह्मलुट ।।
जनताका छोराले जनताका छोरा छक्काउछन् ।
अचेतनामा आलोपालो सन्तानको निधार कल्याउँछन् ।।
नदुखा चित्त, ए मेरो राजा, नगर सानो मन ।
तँ मात्र होइन, कोट्याई हेर छानो, दुखी सकल जन ।।
-----
उडेर जा चरी, फर्केर कहिल्यै नआइजो ।
रोदन बिक्छ बजारमा, दर्शनकाे छैन खाँचो ।।
तेरो गीत श्रोताविहिन घन्कने पिपलपाते सिरीरी...।
गोठालाेले डिङ्गालाई सुनाउने मुरलीको तिरीरी...।।
No comments:
Post a Comment